بواسطه / مني طلبه
شن المعلق الرياضي الشهير أحمد الطيب النار على الإعلاميين الرياضيين بعد فوز الزمالك على أرتا سولار في منافسات دور الـ 32 من بطولة الكونفدرالية.
و كتب أحمد الطيب عبر حسابه الرسمي على فيس بوك : زعلنى جداً ما قيل عن حاتم بطيشة و تأويل و توجيه ما قاله لهذا الإتجاه.
و تابع : حاتم حد جميل و محترم و متربى كويس ولا ليه فى السكة دى خالص و ابن بيت اعلامى بجد ، حاتم ( ظابط الشرطة السابق ) طول عمره ملتزم و يحترم الجميع أندية ولاعبين و جماهير.
و أكمل : ما حدث من صبية بعض القنوات و ضيوفها المختارين بعناية و مرتزقة السوشيال ميديا عيب جداً ، و عيب على من سمح و أعطى الضوء الأخضر لهؤلاء لمهاجمة حاتم بطيشة.
و أضاف : و إلا .. اين انتم من التجاوزات السابقة لأشباه الاعلاميين اللى شبهكم و تغاضيتم عن بلاويهم و فضائحهم الجنسية.
و أشار : عيب جداً ما حدث ، و ان كان العيب لما يخرج من اهل العيب ما يبقاش عيب مش كده ولا إيه ؟، بالمناسبة هو حاتم قال ايه ؟؟ لا لفظ ولا إيحاء و لا حاجة !! .
و اتم تصريحاته قائلا : كل ما فى الموضوع ان الزمالك بقيادة شيكا و زيزو و فتوح و كتيبة من اللاعبين المحاربين المخلصين و جمهور إستثنائى فى العدد و الإخلاص قدّموا ملحمة أحهزت على البعض و حطّمت أمالهم و رغباتهم و انكشفوا جميعاً ، من الآخر و بصوت الراحل / شعبان عبدالرحيم بس خلاص
