بقلم : عماد سالم
افحم الإعلامي الإماراتي عبدالله الكعبي، عدلي القيعي رئيس شركة الكرة بالنادي الأهلي بعد حرب تصريحات بين الثنائي.
وقال عدلي القيعي رئيس شركة الأهلي ومقدم برنامج ملك وكتابه عبر قناة الأهلي : في برنامج خليجي مبيتكلمشي عن الدوري الخليجي .
وواصل : ده بيتكلم عن الأهلي والإساءة إليه وكل الاستضافات اللي بيعملها لناس تهاجم الأهلي حتى كان بيجيب شخص اهلاوي يتكلم بطل يجيبه لانه قوي الحجه.
وتسائل : هو الإعلامي يعقوب السعدي مش بيتغزل في الأهلي؟ طيب عمره اساء للزمالك ؟ لا
وأضاف : لكن ده قال أنا زملكاوي يا سيدي تغزل في الزمالك براحتك ، بتجيب سيره الأهلي ليه ؟
وشدد : انت فاكر الكلام اللي بتقوله هيعلم مع حد هنا؟ يا عم انت نقطه في بحر، أنت مدي لنفسك حجم مش موجود، أنت لست صاحب تأثير، أوعى تكون فاكر ليك تأثير أنت والمجروحين من تفوق الأهلي اللي بتجبهم.
وتابع : احنا بنتكلم اهوه علشان بعد كده هنحط النقاط على الحروف فخلي كل واحد ينشغل بالدوري بتاعه، أنت الدوري المصري يمثلك ايه علشان تتكلم عليه وتدور على ايه الا لو انت عارف الأهلي اللي يشتمه بيتنجم فده اعتراف بشعبيته اللي بتشكك فيها.
ليرد الإعلامي الإماراتي عبدالله الكعبي مقدم برنامج سوالف رياضيه على قناة عجمان : احنا عارفين انه البرنامج الخليجي هو البرنامج الإماراتي سوالف رياضيه المتابع بشكل كبير الحمدلله في مصر.
وزاد : أنت أكثر شخص يتابع البرنامج.. حلقه حلقه ، فيديو فيديو ،مقطع مقطع ، عارفين ما تفوت ولا حلقه ولا فيديو.
واستمر : احنا هنا دائما نتكلم عن الجميع وليس نادي واحد الزمالك والأهلي وأندية الدوري المصري والقضايا والمشاكل.
وأتم : لو متابعتك مهمه للبرنامج بالنسبه لك ، أما بالنسبة لنا فاحنا ما نشوفك عادي، نقطة في بحر من الأساس.
