بقلم : محمد حسن
رد محمود عبد الرازق شيكابالا قائد نادي الزمالك على تصريحات حسن شحاتة مدرب منتخب مصر السابق بشأن حقيقة تهربه من معسكرات الفراعنة في أوقات سابقة.
وكان حسن شحاته قد صرح في وقت سابق أن شيكابالا كان يرفض الانضمام لمنتخب مصر بسبب عدم حبه المعسكرات الطويلة الخاصة بالمنتخب.
وقال “شيكابالا” :” أنا مش حابب أنضم للمنتخب، لأنني عندما كنت أنضم كنت اشعر إنني غريب، لأنني كنت أكون في أحسن لياقة ولا أشارك، لكن في ناس تانية كانت بتتساعد”.
ورد “شيكابالا” على تصريحات حسن شحاته ضده قائلا :” الكابتن حسن شحاته قال إن شيكابالا مكنش بيحب المعسكرات، إزاي هلعب لحد 38 سنة وأنا مش بحب المعسكرات”.
وأضاف ” شيكابالا” خلال استضافته في برنامج ” الكورة مع فايق” على قناة “mbc” مصر 2 :” مفيش غير مرة واحدة قلت له أنا مش عايز أنضم أنا اعتزلت دولي، أنا كنت أشعر إنني غريب، وجاء لي عمرو الجنايني للبيت وقال لي لازم تروح المعسكر، ورحت بالفعل ولعبت بطولة حوض النيل، لكن إني أهرب من المعسكر محصلش”.
وتابع :” أنا ممكن أقول كوارث في المعسكر لكني تعلمت إن ما يحدث في المعسكر لا أتحدث عنه في الخارج، لو أنا بهرب من المعسكرات لماذا كنت تضمني مرة أخرى، أنا كنت أنضم في كل مرة معه ولا ألعب”.
وشدد “شيكابالا” :” حاليًا أنا مركز مع الزمالك ومش حاسس بغربة، لكن مش عارف إيه إللي هيحصل بعد كده مع كابتن حسام حسن، أنا تارك الأمر للظروف، لأن حسام من الناس الذين أحبهم وأتمنى له النجاح، لكن عليه أن ياخد باله من تصريحاته جدًا”.
