عمرو أديب لـ الأهلي: فلتوا من الزمالك وكهربا لعنتنا الأبدية (فيديو
قال الإعلامي عمرو أديب: “أبدي عجبي وإعجابي بمباراة السوبر بين الأهلي وبيراميدز، اتفرجنا على ماتش حلو، بيراميدز مكنش كمالة عدد والأهلي مكنش يقدر يكسب 9”.
قوة النادي الأهلي
وتابع خلال برنامج “الحكاية” المذاع على قناة “إم بي سي مصر”: “بيراميدز كان ممكن يقلب الماتش على دماغ الأهلي، ولكن زي ما انتوا عارفين يخلص ومعلول يجيب الجول”.
لعنة كهربا علي الزمالك
ولفت: “ولعنتنا الأبدية كهربا، أي حاجة دلوقتي بقى فيها كهربا وأي سبب لأي شيء بقى فيه كهربا، وكإن مقصود أن الحياة لا تتغير إلا بكهربا، وكان فيه جون جاي كان هيجيبه كهربا، وطبعا كهربا أهم حاجة في الحياة وأهم حاجة عند الأهلي”.
تحرك الكرة الأرضية لدعم النادي الأهلي
وأشار: “كان صعب جدا أن الأهلي يتغلب من بيراميدز، لأن بقالنا 4 أيام كله بيقول السوبر أهلاوي، مع هذه الحركة لازم الكرة الأرضية تتحرك لصالح النادي الأهلي والشناوي يشيل كل الكرات المستحيلة، كل مرة الأهلي لازم يفوز وكإن بيراميدز مش موجود ومفيش نسبة توقعات لخسارة الأهلي، لو عملتوا اللي الأهلي عمره ما هيتغلب”.
صيد بيراميدز الصعب
ولفت: “لا يستطيع أحد أن يقول بيراميدز كان صيدا سهلا ولكن أنه الأهلي ولازم يفوز الأهلي ليه معرفش، وكل الكلام عن عظمة وبطولات الأهلي، احنا قاعدين كلنا نشوف الأهلي هيكسب ازاي؟”.
رسالة عمرو أديب للنادي الأهلي
ووجه الإعلامي عمرو أديب، رسالة للنادي الأهلي، قائلا: “لقد أفلتم من نادي الزمالك كان الزمالك يستطيع أنه يخلص هذه المباراة ويعمل نتيجة كويسة إنما حظ الأهلي أنه فريق محاظيظ ويوصل السوبر ولسبب أو لآخر ميروحش الزمالك وتروح لاعيبة الأهلي سعيدة ومطمنة ومحدش خايف من زيزو ولا شيكابالا”.
عمرو أديب يهنئ النادي الأهلي على السوبر المصري
وتابع: “أهنئ النادي الأهلي ولكنه لم يكن الأعظم ولا فتاكا ولم يكن جبارا ولكنه فاز بالسوبر ولما يجي الأهلي يعدوا البطولات محدش هيقول إنه فاز ازاي ولكن في النهاية أخونا محمد الشناوي بطريقته المعتادة حافظ في المكسب”.
قوة النادي الأهلي الاقتصادية والجماهيرية والرياضية
وأكمل: “الأهلي نادي جبار بالإرادة بتاعت الناس اللي حواليه، طبعا الأهلي يمثل 60% من جمهور الكرة المصرية وقوة اقتصادية ورياضية وتظل لعنتنا الأبدية كهربا وربنا بعتهولنا علشان ينكد علينا في كل ماتش والكاميرا لا تفارق كهربا”.
